Polîsan bîn şewe eşt keyeyê dayîka Hemsereka  Komeleya Heqanê Merdiman (ÎHD) Erene Keskîn ser. Polîsan vat seba ke Keskîne di serî verê cu Dêrsim de panelêkî de qisey kerdo ganî îfade bido.

Keskînê vera sereştişî nêrazîbîyayîş mojna û vat: ''Wextê sereştişî de ez keye de nêbîya. Polîsan mi rê telefon kerd û vat ez ganî şirê îfade bidê. Ez do roja sêşeme şirê îfade bidê. Na saete de semedê îfadeyî eşto keyeyî ser. Na saeta îfadeyî ya? Seba ke mi di serrî verê cu Dêrsim de panelêkî de derheqê binpaykerdişê heqan de qisey kerd, bi îdîaya ''propagandaya rêxistine'' cipêrdayîş dîyayo destpêkerdene.  Ez xora tim werte de ya. Na saete de sereştişê keyeyê avûkatêke zaf eceb o. Cara wazenê  bêrehetîye vejê.''