Partîya Sosyalîste ya Eciqyayeyan (ESP) hesabê xo yê medyaya sanale ra da pêhesnayene ke polîsan Kadikoy de eşto Komeleya Cinîyan ê Ciwanan a Kaktusî ser.

Eşkerayîye de ame vatene ke Hemsereka Pêroyî  ya ESPyî Ozleme Gumuştaş û Vervatoxa Pêroyî ya SKMyî Çiçeke Otlu zî tede xeylêk cinîyê sosyalîstî pê îşkenceyî ameyî destbendkerdene. Eşkerayîye de ame vatene ke cinîyan ê şorişgêr sosyalîstan ê ke ameyî destbendkerdene vera polîsanê îşkencekerdoxan pê slogana “ Jin Jiyan Azadi” qîrayî û vat cinîyî teslîm nêbenê, îradeyê cinîyan do sîstemê camêrdê serdestî birijino.

Kesê ke ameyî destbendkerdene nameyê înan wina yê: “Çiçeke Otlu, Ozleme Gümuştaş, Tanya Kara, Berfine Polat, Sineme Çelebi, Hacere Elçin, Leyla Can, Fatma Kanbolat, Meliha Kayaci, Songüu Akbay û Elif Bayburt.”