Meclîsê Cinîyan ê HDPyî seba ke binpaykerdişê heqanê tepişteyan biqedê û verê qirkerdişê cinîyan bêro girewtene waşt ke verê Edlîyeyê Çaglayanî de eşkerayîyêke bidê. Wekîlê HDPyî Zuleyha Gulum, Muazzeze Orhan, Serpîle Kemalbay û Oya Ersoy zî tede xeylêk kesî verê edlîyeyî de ameyî pêser.

Polîsan bi bahaneya pandemî eşkerayîya cinîyan asteng kerde û hêrişê girseyî kerd.

Zuleyha Gulum wextê hêrişî de vat ke ê seba ke vajê cinîyan rê edalet uca de yê la maruzê dişmenîya vera cinîyan manenê.

Wekîlî hema zî verê edlîyeyî de yê.