Tirkîya de Qanûnê Pawitişî yê 6284î cinîyanê ke maruzê şîdetî benê nêpaweno. Munevvere Kizila ke hetê waştîyê xo yê verênî Seyfettîn Tankoyî ra 8 serrî yo yena tehdîtkerdene bale ante er ke rixê bira tedbîrî Tankoyî 1ê nîsane de pê telefonî a tacîz kerde.

Munevvere Kizila ke dadîya domanêkî/e ya û 39 serre ya da zanayene ke 8 serrî yo camêrdê bi nameyê Seyfettîn Tanko ci rê zulm keno. Tankoyî verî zî kerd ke Munevvere bikişo, eşt keyeyê aye ser, medyay dîjîtale de kerde hedef.

Munevvere 56 reyî gerreyê Tankoyî kerd, çarçewa qanûnê 6284î de 28 derheqê ci de bira tedbîrî gêrîyaye la Tanko hema zî Munevvere rê gefan waneno. Tankoyî tewr peyêne rixmê bira tedbîrî ya 6 mengan 1ê nîsane de pê telefonî Munevvere tacîz kerde û aye rê gef wend.

Munevvere pare kerd ke rixmê hende xîretanê aye dewlete aye nêpawena û vat: ''Ma zaf delîlî mojnayî la mehkeme 13ê nîsane de o vera da. Seba ke vera nê kesî edalet bêro caardene destê mi ra çita yeno heta nika mi kerd. La netîceyêke çin a. Wezaretê Edaletî seke kor û ker o. Wedaritişê Peymana Îstanbulî nê mesajî dano camêrdan: 'Bikişê ma hetê şima de yê.' Mumkîn nîyo ke ma ney qebul bikerê.''

Munevvere vist vîrî ke serrêke de Tirkîya de tewr tay 600 cinîyî kişîyayî û a nêwazena bêra kiştene. Munevvere vat: ''No qirkerdiş o. Na rewşe de senî Peymana Îstanbulî yena wedaritene? Eke çîyêke bêro sereyê mi wa cinîyî pankarta mi nêkirişê. Mergî ra dima nê hema ke ez weş û war a paştî bidê mi.''