Seba cinîyanê ke zerrîye ra beşdarê  Hêzê Xopawitişî bîyî Akademîya verêne ya perwerdeyê leşkerî û îdeolojîkî pê merasîmêk merkezê Amûde yê Kantonê Qamişlo de ameye akerdene.

Heyetêkê Îdareyê Xoserî yê herêmanê Firat û Cizîre ra, fermandarê Hêzê Xopawitişî, temsîlkarê Meclîsê Sûrîyeya Demokratîke (MSD), Hêzê Asayîşê Zereyî yê Hêzanê Sûrîyeya Demokratîke (QSD), Yewîyê Pawitişê Şarî (YPG), Yewîya Pawitişê Cinîyan (YPJ), endamê dezgehanê sivîlan ê Amûde û Qamişlo, temsîlkarê tayê partîyan û keyeyê şêrvananê ke tewrê akademîye bî merasîm de amade bî. Merasîm bi deqayêk rêzgirewtişo leşkerî yê Şêrvananê Qewetê Xopawitişî-Cinîye dest pêkerd, dima şêrvanan sond wend. Dimayê qiseykerdişan zafê komanê hunerî deyîrî vat. Peynîya mersîmî de beşdaran û şêrvanan govend girewt. Pê akerdişê akademîye, termînê perwerdeyî yo yewin dest pêkerd. Termîn do 6 mengî dewam bikero.