Merkezê Îrtîbatî û Çapemenîye yê QSDyî derheqê çalakîyanê xo de eşkerayîyêke daye.

QSDyî vat: ''Hêzanê ma roja pancşemeyî dewa Ebdulhey û Bab El Ferecî ya Zirganî de vera çeteyan çalakîyî kerdî. Çalakîyan de noqtayê çeteyan ameyî hedefkerdene la hûmara çeteyanê kişte û birîndaran nêameye tesbîtkerdene.

Cepheyê Dêr Hafirî de droneyê çekdarî gêrayî û  dewa Îmamê de noqtaya hêzanê ma pê fûzeyan dîyayî bombayan ver. Hêzanê ma cewab da hêrişî û Yewinanê Şehîd Harunî zî wesayîtêkê çeteyan îmha kerd.

Dormeyê Awbendê Tişrînî de dewleta tirke roja çarşemeyî hêrişê Girê Syria Telî kerd. Yewinanê Şehîd Harunî tay çeteyî kerdî hedef. Netîceya çalakîyan de tay çeteyî kişîyayî û birîndar bîyî û tay zî remayî. Dima bi droneyanê çekdaran dewleta îşxalkere herême daye bombayan ver la zerarêk nêresa hêzanê ma ser.

Hêzanê ma dewa Sekawî de depoyê çekan ê dewleta tirke kerd hedef û komêka çeteyan kişte.''