Yewîya Çapemenîye ya Cinîyan (YRJ) derheqê hêrişanê dewleta tirke yê vera rojnameger û sivîlan de eşkerayîyêke daye. 

Eşkerayîye de ame vîrvistene ke dewleta tirke ya îşxalkere 16ê çeleyî de konvoya ke şîyêne çalakîya nobete ya Awbendê Tişrînî kerda hedef û û hêriş de 3 rojnamegerî birîndar bîyî. YRJyî da zanayene ke dewleta tirke çeteyanê xo reyde vera Awbendê Tişrînî hêrişanê giranan kena. 

YRJyî îfade kerd ke dewleta tirke 19ê kanûna 2024î de rojnamegerî Nazim Daştan û Cîhane Bîlgîn zî şehîd kerdê. YRJyî vat ke dinya verê nê hêrişan de bêveng a û dewleta tirke na bêvengîye ra paştî gêna.

YRJyî vat: ''Ma nê hêrişan şermezar kenê û vanê ke rixmê nê hêrişan zî ma do apey game nêerzê. Ma do sey rojnamegeran tim raştîye binusê. Ma venga pêro rojnamegeran, dezgehaê rojnamegeran û rêxistinanê mîyanneteweyîyan danê ke vera nê hêrişan tewirêkê xurtî bimojnê.''