Xeylê rojnamegerî ameyî destbendkerdene
Operasyonê qirkerdişê sîyasîyî yê Wan û Îstanbulî de rojnamegerî Reyhane Hacioglu, Ahmet Guneş, Necla Demir û Rahime Karvar ameyî destbendkerdene.
Îstanbul û Wan de polîsan eşt keyeyan ser û çar rojnamegerî destbend kerdî.
Rojnamegere Rehane Hacioglu Wan de û Ahmet Guneş, Necla Demir Rahime Karvar zî Îstanbul ameyî destbendkerdene. Sebebê destbendkerdişan nêame vatene.
Reyhane Hacioglu wextê destbendkerdişî de raştê tehdîtanê polîsan ameye. Reyhana Hacioglu vera polîsan nêrazîbîyayîş mojna û vat zere ya zî teber de ça beno wa bibo ê do tim heqîqatan binusê, çew nêeşkeno Çapemenîya Azade bikero bêveng.
