Çapemenîya Azade ya Cinîyan (RAJIN) rojnamegere Nûjîyane Erhan bi eşkerayîyêke yad kerde ke 22ê adara 2017î de hêrişê PDKyî yê vera Şingalî de şehîd bibî.

RAJIN eşkerayîye de serrgêra 5. ya şehadetê ci de Nûjîyane yad kerde. Eşkerayîye de ame vatene ke Nûjîyane Erhan vera sîyasetê qirkerdişî yê dewleta tirke tewra têkoşînê azadîye bibî. RAJIN pare kerd ke Nûjîyane Erhan sey şorişgêre û rojnamegere mîyanê têkoşînê azadîye de rolê serkêşîye girewt xo ser û bi tewirê qerardarî bîye wayîra rayraşîyayîşê cuya azade. RAJIN da zanayene ke têkoşînê Nûjîyane krîterê xoresnayîşê raştîye yo.

RAJIN vat: ''2014 de wexto ke DAÎŞî bi barbarî hêrişê Şingalî kerdbi embaze Nûjîyane cade verê xo dabi Şingalî û dejê şarê Şingalî resnabî dinya. 3ê adara 2017î de PDKyî bi hemkarîya dewleta tirke waşt ke hêrişê Xanesorî bikero. Şarê êzidîyan û şerwanan vera ney tewirê xurtî mojna ke embaze Nûjîyane zî tewr vernî de mîyanê nînan de ca girewt. PDKyî nê tewirê ci ra qestî ra a hedef kerde. 

Ma do heta peynî ruhê Nûjîyanan bidê ciwîyayene. Ma sey kedkaranê çapemenîya azade rêçê aye ser de bibê. Ma reyna embaze Nûjîyane bi heskerdiş û minetdarî yad kenê, şexsê aye û pêro şehîdan de soz danê ke rayîrê raştîye bidomînê.''