Rayberdişê Merkezî yê PAJKî bi şîarê ''Nasnameyê PAJKî xorin bikerê, serkêşîya cinîya azade de Şerê Şarî yê Şorişgêrî ser bivisnê'' kombîyayîşê xo kerd û planê erkanê 2023yî eşkera kerd.

PAJKî derheqê biranê kombîyayîşî de na eşkerayîye daye:

''Kombîyayîşê Rayberdişî de bire dîyaye ke bingeyê seferberîye de seba azadîya Rayber Apoyî têkoşîn wa bêro berzkerdene, bi Hemleyanê 'Wextê Azadîye' û 'Jin, Jiyan, Azadî; Ver Bi Şorişê Cinîyan' serkêşîya têkoşînê Rayber Apoyî bêra kerdene. Kombîyayîşê ma de tecrîdê Îmraliyî û hêzê komplogerî ameyî şermezarkerdene û dîya zanayene ke paradîgmaya Neteweya Demokratîke, Ekolojîke û Azadîgîra Cinîyan a Rayber Apoyî manîfestoyê çareserîye yo.

Kombîyayîşê ma têkoşînê 2022yî yê gerîlayanê HPG û YJA-Starî fîraz kerd. Kombîyayîşê ma şehîdî yad kerdî û soz da ke mirasê şehîdan bipawo û erkanê înan bigêro xo ser. Sere de Delale Nurhak, Bêrîvane Zîlane, Raperîn Amed, Evîn Goyî, Peyman Bagok şehîdê 2022yî û pêro şehîdê ma yê cinîyî sembolê ma yê israrê partîbîyayîş û azadîye yê û ê sondê ma yê hesabpersayîşî yê.

Dişmeno ke Ewropa de embaze Evîne Goyî qetil kerde, Başûr de Nagîhane Akarsel, Bêrîvane Zîlan û Raperîne Amed qetil kerdî û Herêmanê Pawitişî yê Medya de embazanê ma keno hedef, heman dişmen o. Ma soz danê ke hesabê nê qirkerdişan bipersê û mîrasê înan biresno pêro embazanê xo yê cinîyan.

Kombîyayîşê ma bire daye ke vera polîtîkayanê AKP-MHPyî yê serê zîndanan ma têbigêrê. Kombîyayîşê ma venga dezgehanê neteweyî û mîyanneteweyîyan da ke vera nê polîtîkayanê qirkerdişan têbigêrê.

Kombîyayîşê ma de bire dîyaye ke her ca de cinîyî xo rêxistin bikerê, asta herêmî-globale de têkoşîn bikerê, paştî bidê yewbînan, îtîfaqan virazê û şorişê cinîyan bîyarê ca.Kombîyayîşê ma de bire dîyaye ke azadbîyayîşê cinîyan bi xo şorişê komelî yo û wa paradîgmaya Rayber Apoyî bêra vilakerdene, averberdene. Kombîyayîşê ma de bire dîyaye ke Rojhelatê Mîyanênî de têkoşînê cinîyan ê kurd, ereb, afgan, êzidî, tirk û ê bînan rê paştî bêra dayene û têkoşînê înan wa bêrê pîlkerdene. Reyna kombîyayîşê ma de bale ameye antene girîngîya şorişê 'Jin, Jiyan, Azadî' yê Rojhelatê Kurdîstanî û bire dîyaye de seba nê şorişî mesuldarîya xo ma do bikerê.

Kombîyayîşê ma de bire dîyaye ke seba Îdeolojîya Xelisîyayîşê Cinîyan-Jineolojî hetê mefhûm û felsefeya ci ra têkoşîn bêro pîlkerdene. Bire dîyaye ke vera polîtîkayanê qirkerdişê cinîyan û ciwanan ê dewleta tirke Kurdîstan de pê çalakîyanê xopawitişî cewab bêro dayene û tewrbîyayîşê gerîlayan bêro zêdînayene. Reyna girîng o ke Ewropa de têkoşînê cinîyan û têgêrayîşê cinîyan reyde torrêka têkoşînî ya mende wa bêra ronayene.

Kombîyayîşê ma de bire dîyaye ke bi şîarê 'Jin, Jiyan, Azadî' mezg û sîstemê serdestîya camêrdan wa bêrê rijnayene û têkoşînê şorişê mezgî wa bêro kerdene.

Kombîyayîşê ma de felaketê erdlerzî yo ke AKP-MHP bîyo sebebê ci ame ercnayene û bire dîyaye ke mexdûranê erdlerzî de paştdayîş wa bêro zêdînayene. Îqtîdarê AKP-MHPyî qetî mehkumê binkewtişî yo. Cinî û ciwanî wa weçînayîşanê 14ê gulane de dormeyê Partîya Çep a Keske de bêrê pêser û AKP-MHPyî sindoqan de bixeniqnê.

Kombîyayîşê ma de bire dîyaye ke vera dişmenê kurdan îqtîdarê AKP-MHPyî û hemkarê ci yê xayînî PDK pêro waran de bêmabên têkoşîn wa bêro kerdene.''