Ame parekerdene ke qezaya Eyûbîye ya Riha de Hedîye Tokay (40) hetê mêrdeyê xo Ahmet Tokayî ra pê îşkence ameye qetilkerdene. Hedîye semedê şîdetî şîbî keyeyê dadî û babîyê xo la pê zorî apey erşawîyaye. Hedîye serê sibayî pê îşkence hetê Ahmet Tokayî ra kişîyaye. Ahmet Tokay ame destbendkerdene.

Cenazaya Hedîye wedarîyaye morg. Dîya zanayene ke Hedîye dadîya 7 domanan bîye.

28ê tebaxe de taxa Bahçelîevlerî ya Sêrtî de Saadete Kazak (39) keyeyê xo ra vejîyaye û dima tira xeberêke nêameye girewtene. Dewa Berxurkî de cenazaya Saadete erazîyêkê vengî de dîyaye. Cenazaya Saadete semedê otopsî wedarîyaye Nêweşxaneyê Cigêrayîş û Perwerdeyî yê Sêrtî.