Heyetê Weşîye yê Kantonê Firatî da zanayene ke hêrişanê peyênan ê dewleta tirke yê vera Rojawanî de 5 kesî şehîd bîyî, 40 kesî birîndar bîyî, ambûlansî ameyî hedefgirewtene û vat nê semedî ra birîndarî nêkirişîyayî nêweşxaneyî.
Heyetê Weşîye yê Kantonê Firatî derheqê hêrişanê dewleta tirke yê vera Rojawanî de eşkerayîya çapemenîye daye.
Eşkerayîye de ame vîrvîstene ke dewleta tirke ya îşxalkere û çeteyê ci pîya hêrişanê vera Awbendê Tişrînî hêrişê şarê sîvîlî yo ke semedê pawitişê awbendî şîyo hedef genê û vat hêrişanê peyênan ê dewleta tirke yê vera Rojawanî de 5 kesî şehîd bîyî, 40 kesî birîndar bîyî û ambûlansî ameyî hedefgirewtene û nê semedî ra birîndarî nêkirişîyayîşî nêweşxaneyî.
Eşkerayîye de ame vatene ke hêrişê vera Awbendê Tişrînî û ambulansan heme qanûn û pêkerdişanê mîyanneteweyîyî binpay kenê û veng da ke wa hêz û rêxistinê huqûqî yê mîyanneteweyîyî vera nê sûcanê şerî bêveng memanê û berpirsîyarîya xo bîyarî ca.
