Roja 3. ya qetilkerdişê Jîna Emînî de çalakîyanê protestoyî dewam kerd
Dima ke cinîya kurde Jîna Emînî (22) hetê polîsanê exlaqî ra ameye qetilkerdene, xeylêk şaristan û bajarekanê Îranî de çalakîyê protestoyî dewam kenê.
Cinîya kurde Jîna Emînîya (22) ke Rojhelatê Kurdîstanî ra ya, Tehran de hetê polîsanê exlaqî ra semedo ke gijikê ci aseno amebî qetilkerdene.
Seba Jîna Emînî hîrê rojî yo Îran û Rojhelatê Kurdîstanî de çalakîyî dewam kenê. Roja dişemeyî vizêr Tehran de bi seyan kesan pê slogananê 'Bimire Komara Îslamî', 'Bimiro Dîktator', 'Cinîye, Cuye, Azadîye' rejîm protesto kerd. Cinîyan çalakîye de laçikê xo akerdî. Polîsan tay kesî tepiştî û pê jop û gazê îsotî hêrişê çalakîkeran kerdî.
Xeylêk hunermend, sînemager, sporwan, sîyasetmedar û dîndaran zî hesabanê xo yê medyaya dîjîtale de vera qetilkerdişê Jîna nêrazîbîyayîşê xo mojna.
Kaykerdoxan namdare ya Îranî Anahita Hemmatî vera qetilkerdişê Jîna gijikê xo qesna, laçikê xo vet.
