Gulîstane Gulo Qamişlo de ameye dinya û dayîka 4 domanan a. Sey keyeyê xo a zî mîyanê têkoşînê Têgêrayîşê Azadîye yê Kurdan de ca gena. Ewro xebatanê Kongra Starî de serkêşîya têkoşînê cinîyan ê azadan kena.

Gulîstane 15ê tebaxa 1991î de hema ke domana pîya bi keyeyê xo şina Dola Bekaa û uca Rayberê Şarê Kurdî Abdullah Oclaanî nas kena. Gulîstane wina qala ê rojan kena: ''Ez hema domane bîya la ey hinî hêz dayene dormeyê xo ke no hêz heta ewro nêqedîya. Fîkrê ey têna hêz nêdano kurdan semedê heme şaran hêz o. Dormeyê ma ra her kes şiyênî cayê ey. Ez uca musaya ke Kurdîstan de cinîyî semedê Kurdsîtanê azadî û şarê azadî tewrê têkoşînê azadîye benê.''

Gulîstane ard ziwan bado ke aye domanê xo pîl kerdî 2010 de aktîf tewrê xebetan bîya û vat: ''Badê tewrbîyayîşê mi zextê rejîmê BAASî yê vera keyeyê mi zî zêdîyayî. 2011 de badê kongreya Kongra Star mi qerarê tewrbîyayîşê têkoşînê cinîya azade girewt û Qamişlo de bîya îdarekarê Kongraya Starî. Wextêko zehmet bi. Her ca de zextê rejîmî estbî. Cinîyî nêeşkayêne keyeyî ra vejîyê.  Ewro xora rewşe bedilîyaye, hinî cinîyî her ca de eşkenê bixebitîyê û têkoşîn bikerê. Şorişê Rojawanî cinîyî keyeyan ra vetî. Nika heme cinîyî ma pêro pîya rêxistinkerde têkoşîn kenê. Herina fîkranê zorbarîye de fîkrê azad û demokratîkî y Raybe Ocalanî tîya zergûn benê. Ma rêça şehîdan de têkoşîn kenê ke waştişê înan bîyarê ca.''