Endama Koordînasyonê Kongra Starî Welîde Botî bi wesîleya 8ê Adare Roja Cinîyan ê Kedkaran a Dinya ANFyî rê qisey kerd.

Welîde Botî vat: ''Komîteya ma ya dîplomasî xebetê mûhîmî kerdî. Xeylêk înîsîyatîfî nayî ro ke sereyê înan de 'Îşxal û Qirkerdişî rê nê' û 'Cinîyî Rojawanî Pawenî' yenê. Heta nika 'Cinîyî Rojawanî Pawenî' 30 welatan de ame rêxistinkerdene. Reyna Kongra Star-Ewropa konferansê xo kerd. Xelêk welatan de cinîyan reyde pêvînayîşî ameyî kerdene. Hedefê ma yo verêne o bi ke ma xo biresê cinîyan ê bînan û yewîya cinîyan ê dinya, mucadeleyê kolektîfî bimanê. Ma eşkenê vajê ke ma netîeyê muhîmî vistî dest. Gama ke Talîbanê Afganîstan fîna dest gîrayîşê cinîyan ê afganan resa ma. Ma waşt bibê vengê înan. Belka ka nêeşkayî sîstemî bişiknê la mucadele ame averberdene. Ça beno wa bibo ma her ca de vazdanê gazîya cinîyan ê ke tengayî de yê. Slogana  'Jin Jiyan Azadî' ewro seranserê dinya de vila bîya.

Ma hetê ekonomî, perwede û ekolojî ra zî ma xabetê muhîmî kerdî. Hetê bînî ra seba ke ma bibê vengê cinîyan ê ke herêmanê îşxalkerdeyan de yê, ma tim plan û programî kerdî. Seba ke sûcê ke dewleta tirke û çeteyanê ci vera cinîyan kerdî, bêrê belgekerdene ma xebatî rayra berdî û belgeyî resnayî dezgehanê eleqedaran. Reyna ma pê çalakîyanê xo kerd ke şîdet, tecawuz, remnayîş û qirkerdişê vera cinîyan ê nê herêman dinya rê bidê eşnawitene. Seba ke ma bi Şorişê Rojawanî komelî bikero zanaye û paradîgmaya Rayber Apoyî biresnê komelê ma û dinya mucadeleyê ma do bêro xurtkerdene. Azadîya fîzîkîye ya Rayber Apoyî yo ke mîmarê slogana  'Jin Jiyan Azadî' yo, gureyê ma yo verên o.

Rojawan de 8ê Adare tim bi coş yeno pîrozkerdene la emser rîyê erdlerzê 6ê sibate ra ma programê xo bedilna. 8ê Adare roja mucadele û xoverdayîşî ya. Xora semedê cinîyan ê herême her roje roja mucadele, her roje 8ê Adar a. Ma do bi  slogana 'Bi Jin Jiyan Azadî ver bi Şorişê Cinîyan' startê semîner, panel û akademîyan bidê. Ma do sey şarê Rojawanî bi rayraşîyayîşê biheybetî, pê kincanê xo yê tradîsyonkî 8ê Adare pîroz bikerê.''