Awbendê Tişrînî de şar vera hêrişanê qirkerdişî yê dewleta tirke ya îşxalkere û çeteyanê ci nobeta pawitişî rê dewam keno.

Rojnamegerê ke Awbendê Tişrînî de xoverdayîşî teqîb kenê înan ajansê ma rê qisey kerd. 

Muxabîrê Ronahî TVyî Berxwedan Hemoyî ard ziwan ke Awbendê Tişrînî û Pirdê Qereqozaxî de mengêke ra nata xoverdayîşêko tarîxî yeno kerdene. Hemoyî vat: ''Şar bi mîsalê Xoverdayîşê Kobanê xo ver dano. Şerwanî zî çeperanê şerî de tarîxê xoverdayîşî nusenê. Senî ke nê şarî DAÎŞ bi vist wina Tişrîn de çeteyan do bin bivisno.''

Muxabîrta JIN TVyî Rebîa Êto vat: ''Seba pawitişê erd, awe û ceyranê xo û vera hêrişanê îşxalî şar û şerwanî bi ezametî xo ver danê. Her roje awbend dîyeno bombayan ver, sivîlî yenê qetilkerdene. La şar her roje sloganê sey 'Ma Mergî ra Pîlêr ê' û 'Berxwedan jiyane' berz keno. Ma do sey rojnamegeran raştîyan biresnê şarî. Ma do heta peynî wayîrê şarê xo û kamerayanê xo vejîyê.''