Tişrîn de xoverdayîşê şarî vera hêrişan beno pîlêr
Rixmê hêrişanê dewleta tirke ya îşxalkere zî seba pawitişê Awbendê Tişrînî çalakîya nobete ya xoverdayîşê şarî 22 rojî yo bi qerardarî dewam kena.
NOBETA ŞARÎ
Awbendê Tişrînî 8ê kanûna 2024î ra nata binê hêrişanê dewleta tirke ya îşxalkere û çeteyanê ci de yo.
Roniştoxê Rojawanî seba pawitişê awbendî roja 22ine de çalakîya xo ya awbendî rê dewam kenê. Vizêr roniştoxanê Kantonê Cizîre seba dewrgirewtişê nobete verê xo dabi awbendî.
Çalakîkeranê nobete vat: ''Ma do awbendê xo bipawê. Ma hêrişanê dewleta tirke û çeteyanê ci ra nêtersenê. Heta ke nê hêrişî biqedê ma do çalakîya xo rê dewam bikerê. Ma hetê hêzanê xo de yê û awbendî ra fek vera nêdê.''
