Bi vengdayîşê Yewîya Rojnamegeran ê Cinîyan a Kurdîstanî (ROJIN) paytexrê Belçîka Bruksel de semedê rojnamegeran Gulîstane Tara û Hêro Bahadîn yê ke bombardumanê dewleta tirke de ameyî qetilkerdene, çalakîye ameye kerdene. Komela Kurdan zî paştî daye çalakîye.

Kedkaranê çapemenîya azade yê ke verê Sefîrxane û Konsolosxaneyê Iraqî yê Brukselî de ameyî têhet hêrişê dewleta tirke yê vera rojnamegeran protesto kerdî. Çalakîye de eşkerayîye ROJIN û Înîsîyatîfê Rojanageranê Kurdîsdanî Bi kurmanckî, sorankî, erebkî, franskî û îngîlîzkî ameye wendene. Reyna dosyayêke dîyaye sefîrxaneyî. Eşkerayîye de veng dîya hukmatê Iraqî ke wa şertê asayîşê rojnameran bêrê caardene û kiştoxê rojnameranê ke ameyî qetilkerdene, bêrê cezakerdene.

Eşkerayîye de nê ameyî vatane: ''Rojanê ma de seba ke polîtîkayê şerî xorîyêr bîyî komelî her wextî ra zafêr hewceyê xeberan ê. Hêrişê rejîmanê totalîteran ê vera rojnamegeran zêdîyenê. Goreyê doneyanê ke Rêxistina Rojnamegeranê ke Sînor Nasnêkenê ya Mîyanneteweyîye  xeylêk hukmatî vera rojnamegeran polîtîka zext, destbendkerdiş, tepiştiş û qetilkerdişî rayra benê ke heqê xeberan ê komelî destê ci ra genê. Nê  welatan ra yew zî Tirkîya ya. Dewleta tirke sûcêko bînî kerd. Dewleta tirke ya îşxalkere 23ê tebexe de qezaya Seyîdsadikî ya Silêmanî de bi droneyî wesayîtê rojnameran hedef girewt. Hêriş de rojnamegerî Gulîstane Tara û Hêro Bahadîn şehîd bîyî û berpirsîyarê Chatr Productionî Rêbin Bekir zî tede şeş kesî birîndar bîyî.

No hêriş badê pêkerdişê dewleta tirke û hukmatê Iraqî yê 15ê tebaxe ame kerdene Xora seba ke hêriş herra Iraqî de bi Iraq berpirsîyar o. Badê hêrişî hukmatê Iraqî ra eşkerayîya giran nêameye dayene û semedê tepiştişê kerdoxan ke xora bewlî ye çîyêk nêame kerdene. No zî hemkarîya dewleta tirke- PDK û Iraqî ramojneno. Pîya bi rojnamegran şarê kurdî û şarê Iraqî zî paweno ke hukmatê Iraqî na bebete de gamêke bierzo.

Goreyê raporê Federasyonê Rojnamegeran ê Mîyanneteweyî (IFJ) yê serra 2023yî  dinya de 120 rojnamegerî û xebetkarê medya ameyî qetilkerdene. Netîceya nê polîtîkayan de 23ê temmuze de cezaya îdame dîyaye rojnamegera kurde Peşxane Ezizi. Seba ke raştîye bêrê nimitene rojnamegerî yenê qetilkerdene. No vera heqê xebergirewtîşî yê şarî zî hêrişêk o.

Seba ke Gulîstane Tara û Hêro Bahadîn îtîfaqê leyminî û sûcê înan ke herême de serê bazarîya kurdan ra yenê kerdene îşfa kerdî ameyî qetilkerdene. Dewleta tirke bi qetilkerdişê rojnamegeran ê cinîyan ê ke peyê heqîqetî de bê waşt sûcanê xo binimno. Ma do sey rojnameranê çapemenîya azade çirey verê zextan de milê xo çewt nêkerê. Şima nêeşkenê vengê rojanmegeran bibirnê, herinda nê de polîtîkayanê şerî caverdê.

Ganî rayapêroyîye rojnamegeran têna meverdo û wayîrê heqê xo yê xebergirewtişî bivejîyo. Ma veng danê ke wa rêxistinê cinîyan vera welatanê sûcdaran têkoşînî xurt bikerê. Ma veng danê dezgehanê heqanê merdiman û çapemenîya mîyanneteweyîye ke wa vera hêrişanê serê rojnamegeran bêveng memanê. Ma veng danê hukmatê Iraqî û dezgehanê mîyanneteweyî ke şertanê asayîşê rojnamegeran bîyarê caardene ke bieşkê karê xo bikerî, wa heqê xebergirewtişê komelî bêro pawitene, wa kiştoxê rojnamegeran bêrê cezakerdene.''