Endama Koordînasyonê KJKyî Zerîne Rûken beşdara bernameyêkê kanala Medya Haber bîye û rojdem ercna.

Qiseykerdişê Zerîne Rûken ra beşêk wina yo:

''Raporê CPTyî yê derheqê Îmraliyî de kêm o, tede têna ercnayîş û tesbîtî estê. Ganî CPT bi hawayêkê cidîyî mesuldarîya xo bikera. Ganî cinîyî, şar û têgêrayîşê cinîyan vera tecrîdî têkoşînê xo pîlêr bikerê. Tecrîdkerdişê Rayber Apoyî tecrîdkerdişê şaran o. Ma do vera tecrîdî têkoşînê xo dewam bikero.

Ez embaze Leyla Agirî bi hûrmet û mîneyî yad kena. Embaze Leyla şorişgêr, milîtan, apogîra bêhempa bîye. Ma do bi çalakîyan qesasê aye bigêrê. Hêrişê vera cinîyan û hêrişê vera Kurdîstanî yewbînan ra cîya nîyê. 

Nika seba tasfîyeyê PKKyî tay planî yenê kerdene. Gerîlayê ma vera naye xoverdayîşêkê xurtî kenê. 

Qirkerdiş, tecawuz, kişîyayîşê cinîyan çarçewa konseptêkê şerê taybetî de yenê kerdene. Sercerg Suleyman Soyluyî nê hêrişî dayî destpêkerdene. Sercergî wextêk vat 'Nême ra zêdêr endamê PKKyî cinî yê, PKK têkoşînê cinîyan o.' Nê sercergî reya verêne o çax çîyo raşt vat. Raşta zî PKK têkoşînê cinîyan o. Beşêko pîl ê PKKyî hetê cinîyan ra yeno îdarekerdene. 

Hêzê cinîyan ê kurdan esto ke cewab bidê hêrişanê dewleta tirke. Kes nêeşkeno hêrişê erjanê cinîyan ê kurdan bikero. Êyê ke vanê cinîyê kurdî têkoşînî ra dûr ê, şaşîye kenê. Cinîyê kurdî bi paradîgmaya Rayber Apoyî polîtîk bîyî û xo rêxistin kerd.

Ganî cinîyî vera tecawuz û tacîzan tewirê xopawitişî bimojnê. Kampanyaya ma ya ke verê cû dest pêkerd parçeyanê Kurdîstanî de dewam kena. Hêrişê vera cinîyan asta qirkerdişî de yê. Armancê kampanyaya ma pawitişê cinî û komelê azadî yo. Coka ganî cinîyî vera her metodê hêrişan heqê xo yê xopawitişî bixebitnê.

Ma prosesêkê tarîxîyî de yê. Karê bingeyî yê seserra 21. karê cinîyan ê. Ganî ma zêdêr giranîye bidê azadîya Rayberê xo û kampanya pîlêr bikerê. Azadîya Rayber Apoyî bernameyo bingeyî yê têgêrayîşê ma yo. Ez venga cinîyan dana ke seba caardişê hesretê Leyla Agirîyan, seba afernayîşê cuya azade ma têkoşîn pîl bikerê.''