Jîna Emînî 16ê êlula 2022yî de Îran de ameyî destbendkerdene û bi îşkenceyî ameye qetilkerdene.  Mergê Jîna Îran û dinya de bi sebebê protestoyanê pîlan. Nê çalakîyî bi sloganan Jin Jiyan Azadî serkêşîya cinîyan de açarîyayî têgêrayîşêk.

Endama  Komelgeha Jinên Azad a Rojhelatê Kurdistan (KJAR) Rûkene Nexede derheqê Şorişê Jina Jiyan Azadî yo ke di serrî verî Îran de ame destpêkerdene ANFyî rê qisey kerd.

Rûkene Nexdeya ke bi yadkerdişê şehîdan dest pê qiseykerdişê xo kerd nê vatî: ''Rayber Apo têna mîmarê sloganê Jin Jiyan Azadî nê eynî wextî de mîmarê şorişê zîhnkî yo zî.  Çar hetanê dinya de şar Rayber Apoyî wina sarisneno û rêçê felsefeya ci ya azadîye de şino.  Rayber Apoyî senî ke raştîya komel û îqtîdarî dîye, eynî wextî de raştîya cinîya ke ameya kolekerdene zî dîye. Coka ferq kerd ke çimeyê cuye cinî ya.  Aye ro Rayberîye vano heta ke cinî azad nêbo komel nêeşkeno bibo azad. Ewro xeyrê fîkr û felsefeya Rayberîye caardişê sîstemê camêrdê serdestî nînê qebulkerdene.  Cinîyan xo sarisna. Cinîyan û komelen de bedilnayîşî qewimîyayî.''

Rûkene Nexede bale ante Şorişê Jin Jiyan Azadî yo ke Rojhilat û Îrande 2022yî de ame destpêkerdene ser û  wina dewam kerd: ''Şorişê Jin Jiyan Azadî de her kes bibê. Her newtewe ra cinîyan bi ziwananê cîya cîyayan slogana  Jin Jiyan Azadî vate.  Hêzê serdestî kenê ke Rayber Apoyî û şarî yewbînan ra raqilnê. Rayber Apo rayberê şaran o. Ma sey KJARî tim vanê û do vajê Rayber Apo rayberê ma yo. Hinî cinîyê Rojhilat û Îranî zî  KJARî sey serkêşê xo vînenî. Cinîyî dormeyê KJARî de yenê têhet û xover danê.

Hemsencîya cinî-camêrdî semedê komelî azadîye afirnena. Çunke komel serê cinî û camêrdî de ameyo afirnayene. Sebebê lez vilabîyayîşê Şorişê Jin Jiyan Azadî ra yew zî no yo. No şoriş game bi game bêmaben dewam keno.  Xoverdayoxê cinîyî yê zîndanan ke rêçê Şirîne Elehûlîyan de şinê serkêşê nê şorişî yê. Coka wayrîvejîyayîşê cinîyan ê tepişteyan ê sîyasîyan wayrîvejîyayîşê Şorişê Jin Jiyan Azadî yo. Sey cinîyan ma pê şoriş û serkewtişî bawer ê. Nê semedî ra ma semedê komelêkê azadî ganê xo feda kenê. Nê semedî ra ma do ser bikewê.''