Çarçewa Kampanyaya '100 sebebê seba hukmkerdişê dîktatorî' ya TJK-E de Swîsre de tewr tay 17 hezar îmzayî arê dîyayî.  Sîyasetmedara kurde Done Guzel derheqê babete de ANFyî rê qisey kerd. Guzele nameyê YJK-S ser o Swîsre de kampanya de ca gêna. 

Done Guzel da zanayene ke înan rixmê şertanê zimistanî û janî netîceyêka hole viste destî û la na netîce înan rê qîm nêkena.

Guzele vat: ''Armancê ma 10 hezar îmzayî bîyî. Nê serkewtişî de keda cinî, dadî û aktîvîstan zaf a. Kurdîstan de qirkerdişê cinîyan, tacîz û tecawuzî zêdîyenê û pê qanûnan yenê teşwîqkerdene. Coka meclîsê ma îmzayan arê danê û nê qirkerdişan ser o agahîyan danê.''

Guzele îfade kerd ke înan Swîsre de şarî ra paştdayîşêko pîl dî û na kampanya seba teşhîrê Erdogan û dewleta tirke zaf girîng a. Done Guzel ard ziwan ke ê do kampanyaya xo dewam bikerê.