Têgêrayîşê Azadîya Kurdistanî û Têgêrayîşê Azadîya Cinîyan seba ke kanperestîya koledarîye warye ra wedarnê bi des serran o ke xo çar hetê Kurdistanî de organîze kenê û seba xoverdayîşî venga Kurdistanijan danê. Jîn Jin (Gulîstan Fermerzî) tadayîyanê rejîmê Îranî û bi komployê mîyanneteweyî êsîrgirewtişê Rayberê Şarê Kurdî Abdullah Ocalanî ra serkewte 2005‘î de tewrê refanê PKK‘yî bîye. Jîn û Jin (Cuye û Cînî). Cinî bîye eynî demî de bîye cuye. Mîyanê refanê PKK de gama destpêke ya na yewe eşte.

Gerîlaya YJA Starî Gulîstan Fermerzî bi nasnameyê xo yê Jîne Şaristanê Xoyî yê Rojhilatê Kurdistanî de maye xo ra bîye. Waşt ke biba cînîyanê serewedaritoxan ê Eşîra Şîkakî ra yewe. Hende dilsozîya xo hetê îdeolojîk û leşkerî de zî xo kerd şareza, mîyanê artêşa cinîyan de bîye mîlîtananê xurt, çêr û biîradeyan ra yewe. Tewrê operasyonê şoreşgerî yê Şehîd Arjîn Garzane û Şehîd Mahîr Başkale bîye û embazanê xo reyde bîye wayîra meşekê gerîlayî.

Zap û Xakurkî de gerîlayî kerde. Armanc, waştiş û hewn û xeyalê xo yê mîyanê cuye bi çend vateyan wina ardîbî ziwan: „Rayberî tewr zêde cinîyan ra azadîye wazena. Coka rol û mîsyonê ke kewenê kolanê ma ser gelek ê. Ez cad kena ke bi nê ferasetî tevbigera. Cinî bi hezaran serr ê ke ameyê kolekerdene. Ma do na yewe birijnîme, raştîya cinîyan biafirnîme ke xo organîze kerdo. Ma do cad bikerîme ke waştişanê şar û rayber û tarîxê xo bîyarîme ca“ Jîn Jine Tebaxê 2012‘î de Şemzînan û Çelê de Operasyonê şoreşgerî yê Şehîd Arjîn Garzane û Şehîd Mahîr Başkale de, şerê vera artêşa Tirkî ya dagirkere de canê xo ra bîye.