Rojnamegere Zehra Dogane ya ke Zîndano Girewte yê Tîpê Tyî yê Tarsusî de manena, Ajansa Xeberan a Mezapotamya rê derheqê rewşa Sîsê Bîngole de yew mektube erşawite. Dogane mektuba xo de qalê giranbîyayîşê weşîya dayîka Sîsê de detayê muhîmî nusnaye.
Rojnamegere Zehra Dogane Zîndanê Mersîna ra derheqê rewşa Sîsê Bîngole de mektûbêk şawit.
Mektuba Dogane wina ya: “Sazîya Edlîyî ya Tipî derheqê dayîka Sîsê de qerar dayo. Goreyê qerarî weşîya Sîsê Bîngole seba hepisxaneyî asteng nîya. La rewşa xo zaf xirab a, her tim kuxena. Şewe qet ranêkewena. Tansîyonê ci tim berz o û wer nêwena. Ma derheqê rewşa aye de yew mektuba bidetaye nuştbî, la îdareyê hepisxaneyî dest na mektube ser a. Heta nika vatene ti do hepisxane ra bivejîye la ewro zî vanê ti eşkena hepisxane de bimana. Seba ke xemgîn mebo ma netîceyê raporî ci rê nêvat.“
Dogane mektube de resmê domano ke nameyê xo dêrsim o û koxişa înan de yo zî xêz kerdbî û resim çapemenîya sosyale de ame parekerdene.
Unîversîteya Mersînî derheqê Sîsê Bîngole de yew rapor nuştbi û rapor de vatbi:“ wucudê ci de se ra 97 vîndbîyayîşê fonksîyonî esto“. Labele, Sazîya Edlîyî ya Tipî zî rapora xo de vato; “cad kena ke hetê weşîye ra xo giran bimusno. Eşkena hepisxane de bimano.“
