Înîsîyatîfê '1000 Cinîyan Seba Aysele Tugluk' o ke seba azadîya Tugluke xebatan keno, 22ê nîsane de roja îneyî, derheqê rewşa peyêne ya Tugluke de kombîyayîşê çapemenîye bikero.

Înîsîyatîfî bi eşkerayîyêke da zanayene ke Aysele Tugluk tim seba cinîyan û haştîye-demokrasî têkoşîn kerdo. Eşkerayîye de ame vîrvistene ke Aysele Tugluka ke 2016 ra nata zîndan de tepişîyena, rewşa ci ya weşîye giran a nêna dermankerdene.

Înîsîyatîfî vat: ''Veradîyayîşê Aysele Tugluk yeno astengkerdene. Ma kampanyaya xo ya seba azadîya Tugluke bi israrî dewam kena. Ma do 22ê nîsane de bi kombîyayîşê çapemenîye derheqê kampanya û rewşa peyêne ya Tugluke de agahîyan bidê. Ma venga her kesî danê ke tewrê çapemenîye bibo û paştdayîşê bi Tugluke xurtêr bikero.''