Kurdan Serewedaritişê Agirî yê 1926-1930î de xoverdayîşêko pîl mojnabi. Nê serewedaritişî ra dima domanê Agirî pê xoverdayîş û serewedaritişî bîyî pîl. Nê domanî sey embaze Sema bîyî wayîrê kesayetêkê xoverdayoxî. Embaze Sema mîrasê Serewedaritişê Agirî pê felsefeya Rayber Apoyî kerd yew. Serewedaritişê Agirî de kurdan newe ra mojna ke ê domanê koyan ê û înan çar parçeyanê Kurdîstanî de kurdî rêxistin kerdî.

Sema hêzê xo ezametê koyan ra girewto, qewetê koyan ra awe werda, berzîya koyan de gijikê xo şanî kerdo. Sema her serrwext de ewnîyayêne sipîya koyan û bi nê hawayî bîye pîl.

Sema dima ke bîye pîl şîye Îstanbul ke zanîngeh de biwana. Domanîya xo de a mendêne cinîya xoverdayoxe ya kurde Leyla Qasim. Sema pê raştîye Leyla bîye pîl. Sema mektuba xo de zî azametîya xo ya ke domanîye ra nata temsîl kerdêne mojnaye. Sema mektuba xo de pê nê îfadeyan qala raştîya Rayber Apoyî, xoresnayîşê gerîlayan û PKKyî kerdêne: ''Semedo ke keyeyê mi welatperwer bi, keyeyê mi de perwerdeyê medrese bi, apê min ê pîlî mi rê vatêne 'Leyla Qasim', têkoşînê serranê 70an ez resnaya girseyanê 90an.''

Sema Yuce hema ke 17 serre bîye Têgêrayîşê Azadîye yê Kurdîstanî şinasna û ê rayîrî ra şîye. Yaşare Xanime wextê Serewedaritişê Koyê Agirî de ca girewt û kesayetê cinîya kurde û wezîfeyê cinîya kurde eşkera kerd.  Yaşare Xanima ke cinîya Îhssan Nurî Paşayî bîye, sey cinîya kurde heqê pêro zehmetîyan ra ameye. Sema Yuce seke qala Yaşare Xanime kena mektuba xo de wina nuştbi: ''Ez vînena ke kesayetê mi de nakokîyê komelê kurdî û sinifa serdeste ya kurde resayê asta peyêne û asta qedîyayîşî. Ez na nakokîyan sey pêkewtişanê bi hezaran serran vînena û hîs kena. No heman wextî de yeno a mana ke a hele ez heqê xo ra ameya.''

Sema dima ke tewra Têgêrayîşê Azadîye yê Kurdîstanî bîye Rayber Apo nêzdî ra teqîb kerd û fam kerd. Sema mektuba xo de ney ser o wina vat: ''Senî ke hasmên de di tîjî çin ê do nêbê seba cinîyêka ke wazena azad biba di cûyî mumkîn nîyê. Hela ke ez nê cumleyan nusena mi Rayber Apo kerd tek merkez û zerrîya xo de pêro astengîyî wedaritî.''

Sema bîyayîşê xo ra heta 17ê hezîrana 1998î şehadetê xo cuya raştikêne ra qet tawîz nêda û pê raştîya kurd û Kurdîstanî ciwîyaye. Sîstem û îşxalkerî nêeşkayî aye rê tesîr bikerê û aye tim zana kamyew rayîrî ra şora.

Sema Yuce 1988 de Rayber Apo şinasna û 1991 de Mêrdînî ra tewra gerîlayan bîye. Sema nameyê Serhildane xo rê weçîna ke yeno manaya serewedaritişî û mîrasê têkoşînî girewt xo mil. 

A serranê zehmetan û cografyaya xidare de Serhed de wezîfer kersiş çetin bi. Xora Serhildane zî tim waştêne oyo çetin biweçîna. Serhildane 1992 de tay embazanê xo reyde ver bi Serhedî kewena rayîr û resana ci. La netîceya îxanetî de Serhildane erdê xo Agirî de bena esîra dewleta tirke û cezaya zîndanî ya 22 serran dîyena ci.

Na esaretîye seba Serhildane zor nêbena. Çunke aye zanayêne ke senî têbigêra. Aye fikrê Rayber Apoyî xo rê esas girewtbi. Serhildane rêçê Mazlûm, Xeyrî, Kemal û Çaran de şina. A zîndan de zî felsefeya Rayber Apoyî ra dûrî nêbena û bena pawitoxa xurte ya na felsefe. Serhildane heta nefesê xo yê peyênî zî na felsefe zerrî, kesayet û pratîkê xo de pawena.

Sema Yuce mektuba xo de cumleyanê xo yê peyênan wina rêz kena:

''Serekê mi!

Nê bingeyî de ez wazena mezg, zerrî û bedenê xo bikera pirdêkê adirinî ke 8ê Adare ra reseno heta 21ê Adare. Ez seba ke biba wendekara hole ya Kawayê Hemdemî Mazlûm Dogan û şehîdanê bînan wazena sey Zekîye bivêşa û sey Rahşane biba Newroze. Ez wazena rêçê Bêrîvane, Ronahî, Mîrza Mehmet û Eserî de bi qerardarî şorê. Ez wazena pê çalakîya xo bimojna ke hêzê cuye û serkewtişî yê cinîyan esto û cinîye zî eşkena biba hemra.  Pê çalakîyêka bêhempaye  wazena na bawerîya xo tacîdar bikerî û bi nê hawayî esîlîye heme pênasîyanê ci yê ke pê yena naskerdene ra pak bikerî û biqîra ke merdimo qij o ke xeyalê ci pîl ê wayîrê erdemî yo.''

Name û Peyname: Sema YUCE

Nameyê Qodî: Serhildane

Cayê Bîyayîşî: Dewa Kargalikî ya Cêrêne/ Agirî

Tarîxê Bîyayîşî: 1971

Beşdarîya Partîye: 1991/Mêrdîn

Tarîxê tepişîyayîşî: 1992

Tarîxê Şehadetî: 17ê Hezîrana 1998î