Tay merdimî estê ke seba cuya tewr fîraze û ercîyaye biafernê têkoşîn kenê û zerrîya înan seba merdimîye pê eşqî dekerde ya. Azîme Urfa zî nê merdiman ra yew a. Azîme Urfa 1977 de qezaya Wêranşarê ya Riha de dadîya xo ra bîye. Azîme serra 1993î de bi hawayêkê aktîfî tewra têkoşînî bena.

Rozerîne Pîrana ke 2011 de şehîd bîye wina qala Azîme Urfa kerdêne: ''Embaze Azîme 1993 de tewra gerîlayan bîye û heta 1994î GAP de mîyanê şarî de xebate kerde. Aye zimistanê 1994-1995î de Gabar de perwerde dî.  O çax komêka embazan reyde wezîfeyê mi kewt Gabar. Ma şîyê cayê tay embazanê ke Mêrdînî ra ameybî. Mi uca de embaze Azîme şinasnaye. Çew vatêne qey  a bi serran o mîyanê partî de ya, hende jîr û bawer bîye. Mi o çax Koyê Reşî û warê Sûskê de xebate kerde. Ez û embaze Azîme ma tim yew tîm de bîyî. Embaz Azîme wayîra tewirêkê xurtî bîye.

Xeyalê aye yo tewr pîl vînayîşê Rayber Apoyî bi û tira perwerdegirewtiş bi. Aye tim vatêne 'Ez wazena şêra warê Rayberîye, welatperwerîya xo Rayebrîye reyde pare bikera.' Cuya aye bêkêmasî bîye. Aye wextêkê kilmî de mi rê zaf tesîr kerdo. A pêro karanê xo de, gerîlatîya xo de vera dişmedî de cidî bîye. Coka tim peyê xo de fîrazîyêka serkewte verdaye. Embaze Azîme cuya PKKyî sey yê xo dîyêne.

Mişar de dişmenî Koyê Sûskê de eşt noqtaya ma ser. Heta şanî ma vera dişmenî şer kerd. Embaze Azîme heta peyênî vera dişmenî şer kerd. Embaze Bêrîvane zî uca de bîye û a amika Azîme bîye. Şerêko giran bi. Embazî bi çêrî şîyêne dişmenî ser. Embaz Bêrîvane û Azîme hêrişê dişmenî şiknayî û dişmenî ser ra çekî girewtî.

Înan nêverda dişmen bikewo noqtaya ma. Embaze Azîme pêro waranê cuye de, şer de bêteredut bîye. Xoverdayîşê aye hêrişê dişmenî şikna. Aye heta çilka peyêne ya gonîya xo, heta guleyê xo yê peyênî vera dişmenî şer kerd û şehîd bîye.''