Wekîla HDPyî Semra Guzel gama ke ameye destbendkerdene polîsan kerd ke milê ci çewt bikerê la Guzele sereyê xo nê ard war. Ma derheqê babete de Endama Cinîyî Pîya Jîhat ê Ruya Kurtuluş dir qisey kerd.

‘’Kurtuluşe vîst vîrî ke Semra Guzel senî hedef ameye ramojnayene û vera ci bêhuqûqîye ameye kerdene û vat: Vera Guzele hêrişo dişmenkî ame kerdene. Hêrişêko cînsî û nîjadperest dîya destpêkerdene. Nasnameyê ci yê cinî û kurdî rê hêriş ame kerdene. Semedê wedaritişê destnêpadayîşê ci tay wekîlanê muxalefetî zî paştî da û Guzele ameye destbendkerdene.

Nê welatî de polîsan qetilkarê cinîyan û roşnvîrî bi heskerdişî destbend kerdî. Wezîrê Karanê Zereyî yê welatî pîya bi kiştoxan fotografan vejeno. Ma pêro şahîd ê. La muameleyo ke yew wekîla cinî, Semra Guzel rê bi, ma naye rê zî bîyî şahîd û ma do çirey xo vîr ra mekerê. Ame waştene ke mesajêk bidîyo cinîyan, kurdan û komelî la Guzele destûr nêda ê mile aye çewt bikerê û cewabo tewr bitesîr da. Ma cinîyan çirey vere zextê AKPyî de peyser game nêeşte û ma do çirey zî meerzê.

Îqtîdar vera cinîyan polîtîkayêka sîstematîke rayra beno. Tirkîya meclîs û şaredarîyan de tim estbîyayîşê cinîyan ame astengkerdene. Rewşa winayêne de têgêrayîşê cinîyan ê kurdan û HPDyî reyde berêk ame kerdene. Reya verên a ke meclîs de hende cinî est ê. La bi hewayêkê sîstematîkî vera cinîyan hêriş yeno kerdene. Wekîlîye ameyî wardayene û sîyasetmedarê cinîyî ameyî tepiştene. Vera nê têgêrayîşê cinîyan tim mîyanê paştdayîşî de vera qeyûman û tepiştişan kiçeyan de bi.

 Ewro qesr û wezîrê ci, hêzê leşkeri û mehkemeyê ci  vera cinîyan ê sîyasetmedaran cepheyê şerî akerdo. Têgêrayîşê cinîyan ê kurdan bi serran têkoşîn kerd û heta ewro ame û heme Tirkîya de têgêrayîşêko xurt ê cinîyan est o ke pîya têkoşîn keno. Ma do vera nê hêrişan zî têkoşîn bikerê û welatê ke xeyal kenê ronê.’’