Qibris de serkêşîya cinîyan de kampanyaya vera qedexeyê serê PKKyî dewam kena. Çarçewa kampanya de Meclîsê Şarê Kurdî yê Qibrisî, cinî, ciwan, keyeyê kurdan û dostê kurdan waranê cîyayan de standan nanê ro û îmzayan arê danê. Endamê Înîsîyatîfê Cinîyan ê Kurdan ê Qibrisî  bi şîarê 'PKK azadîya cinîyan û raştîya cinîyan a' bêmabên îmzayan arê danê. 

Endamanê Înîsîyatîfê Cinîyan ê Kurdan ê Qibrisî seba ke PKK lîsteya terorî ra bêro vetene Parka Molozî de standî nayî ro û îmzayî arê dayî. Cinîyan stand de alayê Rayberê Şarê Kurdî Abdullah Ocalanî û PKKyî akerdî.

Cinîyan tîya de derheqê kampanya de eşkerayîye daye. Eşkerayîye hetê Hemsereka Meclîsê Şarê Kurdî Fatma Dogan ra ameye wendene. Dogane vat: ''Armancê ma 5 hezar îmza yê. Tay mendo ke ma biresê armancê xo.''

Dogane venga cinîyan û şarê kurdî yê Ewropa da ke bi ruhê seferberî tewrê kampanya bibê.