Serekê Ocaxanê Têgêrayîşê Taybetî yê Şirnexî cinîyêke qetil kerde

Serekê Ocaxanê Têgêrayîşê Taybetî yê Şirnexî Îbrahîm Barkino ke Silopî de ame destbendkerdene, îtîraf kerd ke ey cinîya bi nameyê Sakîne Kultur bi îşkenceyî kişte.

Bajarekê Tilqebînî yê qezaya Silopî yê Şirnexî de kişta çemê Bêsipînî yê rayîrî de cenazaya Sakîne Kultur amebî dîyene.

Çarçeweya ciperasayîşê Kulure de Serekê Ocaxanê Têgêrayîşê Taybetî yê Şirnexî Îbrahîm Barkin, Yunus Kultur û Haci Kultur ameyî destbendkerdene.

Serekê Ocaxanê Têgêrayîşê Taybetî yê Şirnexî Îbrahîm Barkinî mehkeme de îtîraf kerd ke ey Sakîne Kultur bi îşkenceyî kişte. Kiştox Îbrahîm Barkin ame tepiştene û wird şikdarê bînî bi şertê kontrolê edlîyî ameyî veradayene.