10ê nîsane de dewa Kelhokî ya qezaya Hewêlî ya Sêrtî de dadîya 4 domanan Saynure Suyuncu (27) bi hawayêkê vêşayeyî dîyaye. Saynura ke bi giranî birîndar bibî Nêweşxaneyê Zanîngehê Dîcle yê Amedî de gêrîyaye binê tedawî.

Saynure vizêr şewe dinyaya xo bedilnaye. 

Dîya zanayene ke Saynure keyeyê xo de tim maruza şîdetî bîyêne. Ame îdîakerdene ke Saynure şîdetî ra semed xo kişta. 

Derheqê serebûtî de tehqîqatêk dîya destpêkerdene.