Rêxistina Partîya Çep a Keske ya Şirnexî Silopî de buroyê weçînayîşî yê cinîyan o verên akerd. Merasîmê akerdişî de şarî govende girewte û sloganê sey "Bijî Heval Harûn" û "Bijî Serok Apo" vatî. 

Akerdiş de hêverî Wekîla HDPyî ya Şirnexî Nurane Îmîr qisey kerd. Îmîre ard ziwan ke ê têkoşînê heqîqatî kenê û rayraşîyayîşê azadîye kenê. Îmîre vat: ''Ma sey cinîyan wayîrê partîya xo vejîyenê. Ma do veng û rengê xo berê sindoqan. Ma sey cinîyan nê zincîran bişiknê.''

Hemvervatoxa Partîya Çep a Keske Çîgdeme Kiliçgun Uçar zî îfade kerd ke cinîyî weçînayîşan de do cewabê îqtîdarî bidê. Uçare vat: ''Bêrê ma pîya xebatanê weçînayîşan bikerê, bêrê xoverdayîş û têkoşînê cinîyan bivînê. Partîya Çep a Keske destkewteyê têkoşînê cinîyan o. Ma rejîmê tekmerdimî pîya bişawê, ma ser bikewê. Cinî û şarî do ser bikewê.''

Qiseykerdişan ra dima buro ame akerdene. Merasîmê akerdişî pê govend û sloganê ''Bijî Serok Apo'' qedîya.