Têgêrayîşê Cinîyan ê Azadan (TJA) qezaya Silopî ya Şirnexî de bi çalakîyêka rayraşîyayîşî hêrişê îşxalî yê dewleta tirke û qirkerdişê cinîyan şermezar kerdî.

Mayê Haştîye, Wekîla HDPyî Nurane Îmîr, Hemşaredara Silopî Adalete Fîdan, Hemşaredara Îdîlî Songule Erden, Hemşaredara Cizîre Bêrîvane Kutlu, Hemşaredara Mêrdînî Fîgene Altindag, Hemşaredara Dêrikî Mulkîye Esmez zî tede xeylêk cinîyî tewrê rayraşîyayîşî bîyî.

Çalakîye de fotografê cinîyanê ke ameyê qetilkerdene ameyê akerdene, sloganê sey 'Cinîyî pê têkoşînî sîstemî bivurnê', 'Cinîye, cuye, azadîye' ameyî vatene.

Polîsanê tirkan xîret kerd ke çalakîye asteng bikerê la cinîyan çalakîya roniştişî ra dima rayraşîyayîşî rê dewam kerd.

Rayraşîyayîşî ra dima Hemsereka HDPyî ya Beytuşebabî Beybûne Aslan eşkerayîye wende. Aslane îfade kerd ke dewleta tirke pêro hêzanê xo vera têkoşînê kurdan seferber kena û vera cinîyan polîtîkayanê şerê taybetî ana ca. Aslane vat: ''Ewro cinîyê kurdî zîndanan de ameyî esîrkerdene. La qet yew hêz nêeşkeno têkoşînê cinîyan asteng bikero. Cinîyê kurdî bedelan ra nêtersenê û her roje xo zêdeyêr rêxistin bikerê. Ma do binê pêro şertan de zî bedeni nasname û kulturê xo bipawê.''