Hemsereka verêne ya Kantonê Efrînî Hêvî Mustafaya ke hemsereka verêne ya sîstemê Îdareyê Xoserî bîya, derheqê tecrubeyanê xo de ANFyî rê qisey kerd.

Hêvî Mustafa dîyar kerd ke Îdareyo Xoser bi tecrube ke her kes bi nasnameyê xo herêma xo îdare bikero û vat: ''Mîyanê alozîya Sûrîye û Rojhelatê Mîyanênî de sîstemêko winasên zaf bale ante. Îlankerdişî ra heta na aste şar tim mîyanê Îdareyê Xoserî de bi. Bi taybetî şarê kurdî hetê xoîdarekerdişî de çîyêk nêzanayêne la bi rayîrê perwerdeyî sîstemê Îdareyê Xoserî musa.

2014 de wexto ke Îdareyo Xoser 3 kantonan de ame îlankerdene tay astengîyî virazîyayî, bi taybetî Efrîn de. Çunke Efrîn de reya verêne cinîyêke îdareyê herême de ca girewt. Dima sîstemê hemserekîye ame îlankerdene û no sîstem zî verî Efrîn de dîya destpêkerdene. Bi nê hawayî hêdî hêdî komelî derheqê cinîyan de hişmendîya xo vurnaye.''

Hemsereka verêne Hêvî Mustafa serrgêra ronîyayîşê Îdareyê Xoserî şarê Rojawanî rê fîraz kerde û vat: ''Ez hêvî kena ke serra newîye de herêmê îşxalkerdeyî do azad bibê û şarê herême reyna mîyanê îdareyê nê herêman de cabigêrê. Destkewteyê ma gonîya domananê ma ya. Coka ez venga şarî dana ke dormeyê Îdareyê Xoserî de bêro yewca û şerê taybetî yê dişmenî bêtesîr bikero.''