Sîwana Meclîsanê Cinîyan ê Êzidîyan seba 25ê Teşrîna Peyêne Roja Têkoşîne Vera Şîdetê Serê Cinîyan beyanatêkî da.

Beyanat wina yo: “Bi wesîleya 25ê Teşrîna Peyêne ya Roja Têkoşîne Vera Şîdetê Serê Cinîyan ma şexsê wayanê Mirabele û Hevrîn Khalaf, Amara Rênas, Dayîka Taybete, Bêrivane Şengalî  û bi hezaran kesan sey nînan de yad kenê selam danê xoverdayîşê cinîyanê dinya. Xelisnayîşê Şengalî, Raqqa û Rojawanî reyna verê çiman de yê ke seba ke erjê merdimîye bêrê pawitene tede têkoşîn yeno kerdene. Cinîyî têna têkoşînê vera cerganê  DAÎŞî û Dewleta Tirke ney vera zîhnîyetê komelî zî têkoşînê xo kenê ke komel bivurnê. Cinîyî bi nê hawayî xopawitiş, xoîdarekerdiş û xorêxistinkerdişî ra terîmêko newe vejenê. Ma sey Sîwana Meclîsanê Cinîyan ê Êzidîyan venga pêro cinîyan danê ke bêrê ma pîya rêxistina xo ya xosere aver bidê û verê qirkerdişê cinîyan bigêrê. Ma xo biresnê a aste ke cinîyêke bêrexistinbîyaye çinbe."