Meclîsê Cinîyan ê HDPyî yê Riha sîyasetmedaran ê cinîyan ê tepişteyan zîndananê cîyayan  rê bi wesîleya Roja Dadîyan kartî erşawitî. Qedexeyê tebervejîyayîşî ra semed Wekîla HDPyî Ayşe Surucu û Hemsereka HDPyî ya Riha Çîgdeme Karakeçîlî kartî erşawitî.

Surucu verê postaxaneyî de qisey kerd û pare kerd ke Tirkîya de bi se hezaran cinî û domanî tepişte yê. Surucu vat: '' Dadîyan rê dîyarîya tewr pîle caardişê azadîye û haştîye yo. Ma sere de Mayanê Haştîye, cinîyanê tepişteyan selam kenê. Ma sey HDP û TJA do seba cuya azade têkoşîn bikerê. Roja Dadîyan a pêro dadîyan fîraz ba.''