Îqtîdarê AKPyî heqê ke cinîyan bi têkoşînê pîlî vistbî destî, xesp kerdî. Bi mezgê 'cinîyî çin ê, keyeyî est ê' waştiş û meseleyê cinîyan bêçare verdayî. AKPyo ke cinîyî sîyaset û mekanîzmayanê qerardayîşî ra vistî dûrî, bi esîrkerdişê sîyasetmedaranê cinîyan wazeno bi temamî komelî tecrîd bikero.

Meclîs de xêrê HDPyî ra reya verêne temsîlîya cinîyan hende zaf a. Rixmê ney zî se ra 83ê wekîlî camêrdê. Îdareyanê herêmîyan de temsîlîya cinîyan zî zaf tay a. Xêrê sîstemê hemserekîye yê HDPyî ra temsîlîya cinîyan se ra 3,5 bîye.

HDPyî gefê qefilnayîşî ra bire dabî ke binê nameyê Partîya Çep a Keske de tewrê weçînayîşan bibo. Tewr zaf Partîya Çep a Keske namzetê cinîyî vetî. Zafê cinîyê sîyasetmedarî yê HDPyî zî sey esîrî ameyî tepiştene. Vera hemserek, wekîla û Têgêrayîşê Cinîyan ê Azadan (TJA) tedayêka girane est a. Tay sîyasetmedarê cinîyê ke hema zî tepişte yê nê yê:

* Ayşe Gokhan (Vervatoxa TJA)

* Leyla Guven (Hemsereka KCDyî)

* Gultane Kişanak (Hemşaredara Amedî)

* Fîgene Yuksekdag (Hemsereka HDPyî)

* Sabahate Tuncel (Hemsereka DBPyî)