Sîyasetmedaranê cinîyanê ke Dewaya Kobanê ra semed tepişte yê, hêrişê vera bînaya HDPyî ya Îzmîrî û qirkerdişê Denîze Poyraz pê rayîrê avûkatanê xo şermezar kerdî û vat: ''Ma zanenê hêriş kamca ra ameyo.''

Nameyê cinîyan ê tepişteyan ser o Sebahate Tuncel no mesaj da: ''Ma nê hêrişî nalet kenê. Embaza ma Denîze Poyraz bi rêzdarî yad kenê. Ma keyeyê aye, partî, dost û embazanê xo rê serweşîye wazenê. No hêriş vera partîya ma, vera şar û cinîyan ê kurdan ame kerdene.

Temsîlkarê blokê faşîst, seksîst, neteweperwer, tekperest xîret kenê ke pê şerê zereyî payan ser o vinderê û nê hêrişan rê binge amade bikerê. Ma venga pêro hêzanê demorasî danê ke vera ney tewirê xo bimojnê. Cinîye, Cuye, Azadîye.''