Aktîvîsta Têgêrayîşê Cinîyan ê Azadan (TJA) Gulîstane Spnuk derheqê betalkerdişê Peymana Îstanbulî û tesîranê ci de ANFyî rê qisey kerd.

Sonuke da zanayene ke Peymana Îstanbulî vera şîdetê serê cinî û domanan a û vat: ''Erdogan tim vano cinîyê ke dadîye nîyê kêm ê û nê vateyê seksîstî cinîyan visnenê  mîyanê çar dêsan û komelî ra dûrî fînenê. Îqtîdar wazeno wa cinîyî rolanê xo yê komelî red bikerê û pê qederê xo razî bibê. Pê betalkerdişê Peymana Îstanbulî ê wazenê verê wedaritişê qanûnanê sey 6284î abikerê. La ma sey cinîyan do qetî heqanê xo nêkerê qurbanê yew îqtîdarî. Ma do seba pawitişê destkewteyanê xo bedelan bidê. Ma do têkoşînê xo ra fek vera nêdê.''

Sonuke bale ante ser ke Tirkîya de her roje cinîyêke kişîyena û vat: ''Betalkerdişê peymane komel de bi sebebê nîqaşan. Her kuçe de cinîyêke kişîyena.Îqtîdar camêrdan paweno û şîdetê camêrdan keno meşrû. Camêrdî betalkerdişê peymane ra hêz gênê û şîdetê vera cinîyan zêdînenê. Polîtîkaya bêcezaverdayîşî ya dewlete qesawetê cinîyan zêdînena. No qesawet sebebê zêdînayîşê têkoşînê ma yo zî.''