Têgêrayîşê Cinîyan ê Azadan (TJA) kampanyaya ke hemverê çetinîya dewlete û camêrdî ya ke verê nikayî xeylî bajaranê Kurdistanî de dabî destpêkerdene, kampanyaya xo Stenbol de zî verê Daîreya Zewazî ya Kadikoyî de bi kombîyayîşêkê kîtlekîyî daye destpêkerdene.

Parlamenterê HDP’yî Gulistan Koçyîgîte, Huda Kaya, Zuleyha Gulume, Însîyatîfê Mayan ê Aşitîye û xeylî organîzasyonê cinîyan tewrê kombîyayîşî bîyî. Kombîyayîş de peyamê do hemverê bêhuqûqîye de cinîyî bêveng nêmanê, kuçe, kar, meclîs û mehleyan û her ca de veng û mucadeleyê xo hîna bikerê xurt ameyî dayene. Pankarta “Cinî dir nika demê azadîye yo” amî daleqnayene û parlamentera HDP’yî û hem-vervatoxa HDK’yî Gulistan Koçyîgîte, endama Meclîsê Cinîyan ê HDP’yî û aktîvîsta TJA Ayşe Berktaye, endama Meclîsê Cinîyan ê Ciwanan Merve Oztepe, kaybazanê Merkezê Kulturê Mezopotamya (NÇM) ra Rûgeş Kirici û aktîvîsta TJA Çîçek Ariçe dîwanê kombîyayîşî de ca girewt. Bêmabên slogan “Cinî, Cuye, Azadî” ameyî eştene, deklarasyonê kampanyaya bi ziwanê Kurdkî û Tirkî ameyî wendene.