Nê hewteyî de aktîvîstanê Cinîyanê Ciwanan ê Azadan (JCA) û Cinîyanê Wendekaran ê Kurdîstanî (JXK) seba yadkerdişê Sakîne Cansiz, Fîdane Dogan û Leyla Şaylemez ê ke 9ê çeleyî de Paris de ameyî qetilkerdene çalakîye kerde.

Rayberîya cinîyanê ciwanan de 6ê çeleyî de pêvînayîşê ciwanan ame kerdene. Ciwanan bi perpektîfê Rayberê Şarê Kurdî Abdullah Ocalanî yê welatperestî û qerardarîya xelisnayîşê cinîyan wend. 

9ê çeleyî de cinîyanê ciwanan seba yadkerdişê Sara, Rojbîne û Ronahî çalakîyêke kerde. Yadkerdişî şewe saete 21:00 de bi panelêkê derheqê cinîyan û têkoşînê 3 cinîyanê kurdan de dest pêkerd.

Cinîyanê ciwanan dewleta tirke û hukmatê Fransa ya ke vera Qirkerdişê Parisî bêveng mend şermezar kerd. Ciwanan Qirkerdişê Parisî sey dewamê komployê mîyanneteweyî ercna.

Dima pêramotişê fotografan ê 3 cinîyanê şorişgêran ê kurdan ame mojnayene.

10ê çeleyî de zî endamanê JCA û JXK fîlmê ''Cuya mi tim şer bî'' yo ke derheqê cuya Sakîne Cansiz de amebi amadekerdene mojna ra.