Cinîyê Swîsre 14ê hezîrane de çarçewa Grevê Cinîyan ê Neteweyî de pêro welat de vejîyayî meydanan. Bi des hezaran cinîyî kewtî grevî, şîyarîye daye selahîyetdaranê ke cîyakerîye de israr kenê.
Cinîyê Swîsre 14ê hezîrane de çarçewa Grevê Cinîyan ê Neteweyî de pêro welat de vejîyayî meydanan. Çarçewa grevî de cinîyan kar war verda.
Cinîyan pê sloganê 'hûrmet, zêdêr meaş, zêdêr meaşê teqawutî' polîtîkayê cîyakerîye û cînsîyî yê dewlete protesto kerdî.
Şan zî Swîsre de bi hezaran cinîyan çalakîya rayraşîyayîşî kerde. Wekîlê cinîyî zî tewrê çalakîye bîyî û çalakîye de sloganê sey 'Karo têdûşt, meaşo têdûşt', 'Grev, grev, grev, femînîst' ameyî vatene. Cinîyan ard ziwan ke xoverdayîşê tek rayîrê cinîyan o.
Cinîyê kurdî zî tewrê rayraşîyayîşî bîyî û înan da zanayene ke hem semedê nasnameyê xo yê cinîtîye hem zî semedê nasnameyê xo yê koçberîye mexdûr benê.
