Têgêrayîşê Azadîya Cinîyan ê Êzidîyan (TAJÊ) 13ê teşrîna peyêne de kongreya xo ya diyîne Şingal de bi şîarê ''Vera fermanî xo bipawê, azadîya cinî û komelî mende bikerê' kerdbî. TAJÊ netîcenameyê kongre eşkera kerd.

TAJÊ da zanayene ke  înan kongre dîyarîya şehîdanê Şingalî kerda û kongreya xo binê têgêrayîşê hewayî yê hêzanê dewleta tirke de qedînaya. Kongre de mesajê KJKyî û Endama Konseya Hemserekîya KJKyî Sozdare Avesta ameyî wendene.

Netîcename de birê ke kongre de ameyê girewtene wina ameyî rêzkerdene:

''-TAJÊ do seba vilakerdişê fikr û felsefeya Rayber Apoyî bixebita û seba azadîya ey têkoşîn bikera.

-TAJÊ do perwerîya têkoşeranê azadîya Şingalî şehîdî Şîlan Goyî, Nûjene Koçer, Amargî û Faraşîye sey sembola perwerîye û embazîya Şehîd Egîd, Dijwar û Azadî de sey sembola embazîye qebul bikera.

-TAJÊ do komunînan rêxistin bikera û meclîsanê xo xurtêr bikera.

-TAJÊ vera sîstemê serdestîya camêrdan dewreyê perwerdeyî aver bera.

-TAJÊ do vera zewajê domanan, zewajê bizorî  têkoşîn bikera û yew cinîye ra ber zewajê bi cinîyan qebul nêkera.

-TAJÊ do  cinîyan ê serkêşan ê êzidîyan ser o cigêrayîşan bikera û nînan bida şinasnayene. Dima do nê xebatan kitan bikera.

-TAJÊ do vera ê kesanê ke cinîyê êzidîyî esîr kerdî û sey kole rotî têkoşîn bikera û seba muhakemekerdişê nê kesan xîret bikera.

-TAJÊ do seba sey jenosîdê şinasîyayîşê Qirkerdişê Şingalî xîret bikera.

-TAJÊ do seba muhakemekerdişê cerganê DAÎŞî paştî bida pêro vengdayîşan.

-Xebatê ekonomîk û komunalî do bêrê xurtkerdene.

-Cinîyê êzidîyê ke ameyê xelisnayene TAJÊ do meverda ke nê bêrê berdene bi teberê welatî.

-TAJÊ do bikera ke qet yew cinîya êzidîye ya bêrêxistine nêmana.''