Îdarekar û endamanê Têgêrayîşê Cinîyan ê Azadan ê Êzidîyan (TAJÊ) çarçewa kampanyaya ''Vera Qirkerdişê Cinîyan Bibê Vengê Xopawitişî'' de Peykerê Solaxî zîyaret kerd.

Wextê Fermanê 3yê Tebaxa 2014î de Solax de tewr tay 80 cinîyê êzidîyî ameybî qetilkerdene. Peykerê Solaxî seba yadkerdişê qurbananê fermanî ronîyabi.

Hemsereka Heyetê Îdareyî yê Şingalî Rihame Hisên zî tewra zîyaretî bîye. 

Endama Koordînasyonê TAJÊ Neame Bedel zîyaret de vat: ''Tîya de cinîyê diganî û domanî zî tede xeylêk kesî bi hawayêkê barbarî ameybî qetilkerdene. Ê pêroyî ameyê dekerdene çalêkî û serê înan bi herre ame qefilnayene. Ma do seba ê cinîyanê ke destê DAÎŞî de esîr ê, tim têkoşîn bikerê.''

Dima cinîyan sloganê ''Jin, Jiyan, Azadî'' vat, findî vistî ta û şehîdê fermanî yad kerdî.