Têgêrayîşê Azadîye yê Cinîyan ê Êzidîyan (TAJÊ) Qirkerdişê Zaxoyî yê dewleta tirke ser o eşkerayîyêke daye.

TAJÊ qirkerdiş şermezar kerd û vat: ''Dewleta tirke reya verêne hêrişê erdê Iraqî nêkena. Bi serran o vera şaranê Iraqî nê hêrişî dewam kenê û vera zêdîyenê. Seba ke hukmatê Iraqî û Başûrê Kurdîstanî vera ney hêrişan bêveng ê û tewirêkî nêmojnenê hêrişî zêdîyenê. Bi taybetî PDK pê îxanetê xo xîret keno ke hêrişanê dewleta tirke meşrû bikero û bi nê hawayî dewleta tirke rê hemkarîye keno.

Hukmatê Iraqî heta nika gamêka hewcedare nêeşte, pêro tewirê ci têna eşkerayîyan de maneno. Têna bi serewedaritişê şarî leşkerê tirkî erdê Iraqî ra do bêrê vetene. Ganî vera hêrişan çalakîyî bizêdîyê û şarê Iraqî ganî bibo yewveng.''