Goreyê raporê Platformê 'Ma do Verê Kişîyayîşê Cinîyan Bigêrê' (KCDP) menga tebaxe de 31 cinîyî ameyî kiştene, 21 cinîyî bi hawayêkê şikdarî merdî.

Rapor de nê doneyî ameyî parekerdene: ''6 cinîyî hetê mêrdeyanê xo ra, 5 cinîyî hetê merdimanê xo ra, 4 cinîyî hetê waştîyanê xo yê verênan ra, 4 cinîyî hetê babîyanê xo ra kişîyayî. 3 cinîyî hetê nasanê xo ra, 3 cinîyî hetê lajanê xo ra kişîyayî.

Cinîyî tewr zaf şîdetê nasanê xo manenê. Polîtîkayî hêz danê kiştox û hêrişkeran. Selahîyetdarî semedê tedbîr girewtişî pabeyê çita yê? Ma do heta peynî têkoşînê xo dewam bikerê û vera kişîyayîşê cinîyan bêveng nêmanê.''