Têgêrayîşê Kulturê Cinîyan ê Kevana Zêrîne, Endama Têgêrayîşê Kultur û Hunerî yê Demokratîkî Rojda Bakur (Bahare Yeşîlyurt) yad kerde ke 26ê nîsane de nêweşîya kanserî ra şehîd bîya.

Eşkerayîye de ame vîrvistene ke Rojda Bakur Êlih de dadîya xo ra bîya û 1991 de tewra gerîlayan bîya. Kevana Zêrîne vat: ''Embaze Rojda Xerzan de şer de bi giranî birîndar bibî û kewtbî destê dişmenî. La aye zîndan de zî xo ver da û 9 serran dima wexto ke zîndanî ra vejîyabî reyna verê xo da koyan.

A roje ra heta şehadetê xo, aye bê mabênî xebatanê xo yê neteweyîyan rê dewam kerd û tewr peyên zî xebatanê huner û kulturî de ca girewt. Embaze Rojda pê tecrubeyanê xo waşt hunerê ma zî aver bera. Xora hunero tewr rind hunerê şorişgêran o. Embaze Rojda rixmo ke hende xîret kerd nêeşkaye destê kanserî ra bixelisîye û şehîd bîye. Ma sere de keyeyê ci rê pêro şarê kurdî û embazan rê serweşîye wazenê. Ma do heta peynî rêçê şehîdanê xo de bibê, alaya înan heta serkewtişî meverdê.''