Têgêrayîşê cinîyan ê ciwanan ê kurdan ê Ewropa  TekoJIN Unîversîteya Goethe yê bajarê Franfkurtî yê Almanya de kongreya xo ya dîyine kerde.

Cinîyê kurd û enternasyonalîstê ke xeylêk welatan ra tewrê kongre bîyî kincê kultukî kerdî piray. Kongreya ke bi şîare ''Cesaretê hewnî, cesaretê azadîye yo'' ameye kerdene  rol û mîsyonê cinîyan ê ciwanan ê mîyanê komelî ame muneqeşekerdene.

Qiseykerdişan de bale ameye antene serê hêzê cinîyan ê ciwanan ser û ame vatene ke eke cinîyî rêxistinkerde têbigêrê eşkenê vera dişmenî vinderî û vera îşxalî Kurdîstanê azadî biafernê.

Badê qiseykerdişan falîyetê di serran ameyî wendene û hetê cinîyan ê ciwanan ra ameyî ercnayene. Dima ra koordînasyono newe yê TekoJIN ame vînayene. Qiseykerdişê peynî de mesajê xurtkerdişê têkoşînî ameyî dayene.