Rayberê Şarê Kurdî Abdullah Ocalan 1979 de derbazê Rojawanî bi û bi nê hawayî têkoşînê azadîye derbazê safhayêka newîye dest pêkerd. Rayberê Şarê Kurdî yo ke 20 serran Rojawan de mend, tewr zaf tesîrê rêxistinî û têkoşînê cinîyan kerd.

Endama Koordînasyonê Kongreya Starî Zeynepe Mihemed prosesê ronîyayîşê Yewîya Starî ANFyî rê ercna. Zeynebe Mihemed pare kerd ke dima ke Ocalanî dest pê têkoşînî kerd cinîyan zî dest pê rêxistinîya xo kerd. 

Zeynebe da zanayene ke bi nê hawayî serranê 90an de karê rêxistinîyê cinîyan aver şîyê û vat: ''Fikrê Rayber Apoyî bîyê sebebê averşîyayîşê fikranê serê cinîyan. O çax kombîyayîşî ameyî kerdene û çareserîyî ameyî nîqaşkerdnee. Cinîyan nê serran de xo şinasna. Cinîyan rayraşîyayîş, serewedaritiş, kombîyayîş û mîyanê şehîdan de cagirewt.

Rayber Apoyî bingeyê karanê seba cinîyan Rojawan de eşt. Dima zî cinîyan rêxistinîya xo ya Rojawanî îlan kerde. Cinîyanê Rojawanî na çarçewe de binê nameyê Yewîya Starî de xo rêxistin kerd. Îdeolojîya têgêrayîşê azadîye seba na rêxistinîye bi paştdayîşêko pîl. Na rêxistinîye bi felsefeya Rayber Apoyî dest pêkerd, dima zî têkoşînê têgêrayîşê cinîyan ê kurdan û karê Rojawanî kerd. Bi taybetî paştdayîşê gerîlayan ê cinîyan zaf pîl bi. Embazanê ma yê gerîlayan koyanê Kurdîstanî de cinî û şarê Rojawanî pawitî. Pawitişê winayênî ra nêbo mekanîzmaya pawitişî ya Rojawanî nêresayêne na aste.''