Komeleya Cinîyan ê Rojnamegeran ê Mezopotamya (MGK) raporê temmuze yê 'Binpaykerdişanê Heqanê Vera Cinîyan ê Rojnamegeran' eşkera kerd.

Rapor de ame vîrvistene ke Tirkîya goreyê RESFyî warê çapemenîya azadîye de rêzê 165. de ya. Rapor de bale ameye antene ser ke îqtîdar wazeno warê çapemenîye de 'yew veng' bêro eşnawitene û hêrişê cinîyan ê rojnamegeran keno, xeberanê serê cinîyan asteng keno.

MGKyî vat: ''Roniştişê dewaya vera embazanê ma de embazanê ma Dîrene Yurtsever, Bêrîvane Altan, Zemoye Aggoz û Oznure Deger rê cezaya zîndanî ya 6 serran û 3 mengan ameye dayene. Ma do têkoşînê xo rê dewam bikerê. Êyê ke do ma xo hêrişan ra bipawê rêxistinîye û paştdayîş ê.''

Rapor de binpaykerdişê heqan wina ameyî rêzkerdene:

-1 rojnamegere ameye destbendkerdene.

-1 rojnamegere teqîbê xebere de ameye astengkerdene. 

 -Derheqê di rojnamegeran de dewa ameye akerdene. 

-4 rojnamegeran rê ceza dîyaye. 

-23 rojnamegerî hema zî yenê muhakemekerdene. 

-7 cinîyê rojnamegerî hema zî tepişte yê.