Rîyê zîhnîyetê faşîstî yê AKP’yî ra qetilkerdişê cinîyan zêdîyeno. Goreyê raporê Platformê Ma Do Qetilkerdişê Cinîyan Vindarnê menga Temmuze de tewr tay 31 cinîyî ameyî qetilkerdene.

Rapor de ame vatene cinîyê ke ameyî qetilkerdene zafê înan bi sîlehî û keyeyanê xo de ameyî kiştene. Platformî bale ante  polîtîkaya hêrişkare ya vera cinîyan ser vat bisebebo ke hêrişkarê cinîyan nênê cezakerdene qetilkerdişê cinîyan çend şino zêdîyeno.